《孕記回顧》作小產，全家人被妹妹（你）嚇壞了

2018。08。07  《31wks3》
在產房的2晚，令我畢生難忘。

當天下午午睡後，肚子突然出現宮縮嚴重得肚子實了大約4小時都沒有放鬆過，痛到連腰都痛起來。

晚上7時半，終於有家人來幫忙湊駿B。就急急上醫院（因過了22週或以上就要直到產房處理）去進產房後，姑娘問完情況便急急被推到房間作檢查。當時駿爸爸不可在場，得自己一個去面對，係超級超級驚﹗
護士們幫我駁晒儀器聽宮縮同BB既心跳，醫生黎到就做埋下身檢查（睇下有冇見紅、穿水、攞組織去種菌）做埋肚超同陰超確定BB情況。
首先要食了4粒抗宮縮藥。相隔三十分鐘，再食4粒。目的是希望BB不要被收縮的子宮推出來 ，能留在肚內多一點時間。

插滿打豆的手

終於到差唔多夜晚10時，要打第一支強肺針。因為醫生說只有31週既BB，肺部有機會未完成發育，出生時就不懂自行呼吸。強肺針一共要打2支，抗宮縮藥就是BUY TIME。

當晚，根本徹夜難眠。仲要突然發燒，所有野要轉為靜脈注射，打抗生素，抽血睇住肝腎功能有冇問題。
當晚不是心跳機嚮，就是我的血壓機嚮，一係就落藥機響。後來才知道，抗宮縮藥原來是降血壓藥，會令人心跳加速。還說如果在打晒強肺針同宮縮藥完成後，宮縮情況沒有減弱的話，必要時就停藥，讓BB出生。

BB現時體重只有1.9kg，出生會有很多問題，有需要住養氣箱，ICU/加護病房。醫院已經要我簽晒所有文件見埋兒科醫生配埋血standby  BB隨時出世用。我當然希望能完成整個療程，所以心裏不斷跟BB說：「要乖乖，向媽咪個肚到住到足月先出黎見面。要撐住」

第2日，悶得發慌。因為仲向產房冇得用電話（要借醫院電話用），探病時間除了老公，其他人一概不能前來。全日不停一有時間間就訓（1個鐘拍醒抽血，1個鐘量血壓一係就打針，如果隔離房有媽媽生緊，我這邊晚燈又開了）不停只會聽到姑娘同媽媽講唔好要嗌，留番啲力啦。1..2..3用力。。。推。。。。。。
全晚冇訓過，去到當天晚上10時再打第二支針。
（第2晚被禁食，只可飲少量既水）每2小時只有10ml水（😭😭😭）
終於去到第3日既早上差唔多10時，所有既藥都打晒，見左醫生，問左好多好多次有冇肚痛，燒都退晒。好消息黎喇，可以安排上番產前病房觀察喇。

終於可以食野，終於可以有番晚訓番好。今日早上見左醫生仲批埋可以出院，終於可以回家見駿B。

[妹妹，你真係要乖乖仲有8個星期就可以見面喇。你忍住呀…😗😗]

作小產後2星期後超聲波相